နေပီယာမြက်နဲ့ ကျေးရွာကိုပါ အကျိုးပြုပေးနိုင်သွားတဲ့ အစိမ်းရောင်လမ်းကတောင်သူ

ကိုဇော်ထက်အောင်ကတော့ ဓာတ်ပုံပြိုင်ပွဲတွေကနေ အစိမ်းရောင်လမ်းကို စသိခဲ့သူပါ။ ခုအချိန်မှာဆိုရင် ဖေ့ဘုတ်တောင်သိပ်မသုံးဖြစ်တော့ဘဲ Green Way ထဲမှာပဲ သိချင်တာတွေမေးလိုက် သိတာတွေဖြေပေးလိုက်နဲ့ ဖုန်းဆော့ဝဲတစ်ခုကို ကောင်းကောင်းအသုံးချဖြစ်နေပါပြီ။

ဖေ့ဘုတ်သိပ်မသုံးဖြစ်တော့ဘူး Green Way မှာတော့ ညတိုင်းကြည့်ဖြစ်တယ်ဗျ။ ဖေ့ဘုတ်သုံးတာကျ စုံတော့ တအားအာရုံတွေများလို့ Green Way ပဲကြည့်ဖြစ်တာ။

လေ့လာစရာဗဟုသုတတွေကို ဖေ့ဘုတ်သုံးရင်း စသိခဲ့ပေမယ့် အခုအချိန်မှာတော့ လိုချင်တဲ့စိုက်ပျိုးနည်းပညာတွေအတွက် အာရုံနောက်မခံတော့ပါဘူး။ ဖုန်းဆော့ဝဲတွေကို ရွေးချယ်သုံးတတ်သူတစ်ယောက် ဖြစ်နေပါပြီ။

ကျွန်တော် နဂိုကဆိုရင် နေပီယာမြက်ကို ဘာမှမသိဘူးပေါ့နော်။ ခု Green Way သုံးပြီး တော့ မွေးမြူရေးက နွားအကြောင်းကြည့်ဖြစ်တယ်။ နေဗီယာမြက်အကြောင်း သိလာရတယ်။ ဒီလိုနဲ့ မျိုးအကြောင်းစုံစမ်းပြီးစိုက်ထားတယ်။ ခုဆို နေဗီယာမြက်နဲ့ နွားတွေတော်တော်အဆင်ပြေနေပြီ နွားကျွေးဖို့ မပူရတော့ဘူးပေါ့ဗျာ။

တော်တော်များများက အင်တာနက်သုံးတယ်ဆိုတာကို ဖေ့ဘုတ်သုံးတာလို့ပဲ မြင်နေကြသေးတဲ့အချိန်မှာ ကိုဇော်ထက်အောင်လို ကိုယ်လိုချင်တာအတွက် ရွေးချယ်အသုံးချတတ်သူတွေလည်း ရှိနေပါပြီ။

နေပီယာမြက်တွေစိုက်ထားတာကြာပြီ။ အမေးအဖြေမှာလဲ မေးဖြစ်တယ်။ ဆက်သွယ်ရမယ့် ဖုန်းနံပါတ်တွေ ပေးတယ်ဗျ။ ဒီလိုနဲ့ ကျွန်တော်ဆက်သွယ်ပြီး စိုက်ဖြစ်ခဲ့တာ။ ခုရွာထဲမှာလည်း မျိုးတွေပြန်နေ့ပြီ။ ကျွန်တော့ဆီကနေလည်း ပေးတယ်လေ။ ကျွန်တော်တို့ဆီမှာတော့ နေပီယာမြက်နဲ့တင် နွားမွေးတဲ့လူတွေအဆင်ပြေနေတယ်

လို့ပြောပါတယ်။

အစိမ်းရောင်လမ်းအနေနဲ့လည်း တောင်သူတွေအတွက် စိုက်ပျိုးမွေးမြူရေးနည်းပညာတွေ သီးသန့်လေ့လာလို့ရတဲ့ ဆော့ဝဲလေးတစ်ခု ဖြစ်ခွင့်ရတာကို ဂုဏ်ယူလို့မဆုံးဖြစ်ရပါတယ်ဗျာ….

ကိုဇော်ထက်အောင်လို ဆောင်းပါးတွေဖတ်တဲ့ အခြေအနေကနေ လက်တွေ့အသုံးချဖြစ်တဲ့အဆင့်ထိ တိုးတက်နေသူတွေရှိရင်လည်း ပြောပြပေးသွားပါအုံးနော်။ ဂုဏ်ပြုချင်လို့ပါဗျို့…..

စိုက်ပျိုး မွေးမြူရေးလုပ်ငန်းတွေမှာ အင်တာနက်ကို ကောင်းကောင်းအသုံးချပြီး နည်းပညာတွေလေ့လာ၊ လက်တွေ့လည်းလုပ်၊ ကျေးရွာကိုလည်းမျှဝေ၊ အမေးအဖြေတွေပါ ပါဝင်ဖြစ်နေတဲ့ ခေတ်မီတဲ့ တောင်သူလူငယ်တစ်ယောက်ဖြစ်ကြောင်း ဂုဏ်ယူစွာနဲ့ရေးသားဖော်ပြလိုက်ရပါတယ်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ