ရုပ်ရှင်သရုပ်ဆောင် နန္ဒာလှိုင်ရဲ့ လှိုင်ဒူးရင်းခြံကပြောပြလာတဲ့ အစိမ်းရောင်လမ်းအကြောင်း

ဒီအချိန်က ပိုးထိုးတဲ့အချိန်မဟုတ်ပေမယ့် အမေးအဖြေက ညွှန်ကြားပေးတဲ့ ethanol trap နဲ့စမ်းကြည့်တော့ ပိုးတွေတကယ်ပဲလာမိနေတာကို တွေ့ရပါတယ်။ ကျွန်တော် တော်တော်လဲဝမ်းသာပါတယ်၊ကိုယ်ယုံကြည်အားထားရာနေရာတစ်ခုရပြီဆိုပြီး ပျော်မိတာပါ

ဒီလိုပြောကြားလာသူကတော့ ဘကြီးဖြိုးဆိုတဲ့အမည်နဲ့ ဒူးရင်းခြံတွေကို စီမံခန့်ခွဲနေသူတစ်ယောက်ပါ။ နန္ဒာလှိုင်ရဲ့ လှိုင်ဒူးရင်ခြံ မန်နေဂျာလည်းဖြစ်ပါတယ်။

ခြံရဲ့သက်တမ်းက နှစ် ၂၀ လောက်ရှိပေမယ့် စီးပွားဖြစ်အနေနဲ့ လှိုင်ဒူးရင်းခြံဆိုပြီးတည်ထောင်ခဲ့တာကတော့ ၂ နှစ်ပဲရှိပါသေးတယ်။ သူစတင်ဦးစီးတာတော့ ဒီနှစ်ထဲမှာပဲ။ အရင်နှစ်တွေကလို ပင်စည်ထိုးပိုးမကျအောင် လေ့လာမှုတွေကို ဆက်တိုက်လုပ်နေခဲ့သူတစ်ယောက်လည်းဖြစ်ပါတယ်။ အင်တာနက်စာမျက်နှာတွေပေါ်မှာ လေ့လာရင်းနဲ့ အစိမ်းရောင်လမ်းကိုတွေ့ခဲ့ပြီး သူသိချင်နေတဲ့ ဒူးရင်းပင်စည်ထိုးပိုးအကြောင်း မေးမြန်းခဲ့ပါတယ်။

အများကြီးတော့မျှော်လင့်မထားဘူး ဒီအတိုင်းဝင်မေးကြည့်လိုက်တော့ ကောင်းကောင်းမွန်မွန်နဲ့အသေးစိတ်ပြန်ဖြေပေးတယ်မြန်မြန်ဆန်ဆန်ပဲ ဘယ်လောက်မှမကြာလိုက်ဖူး ပြန်ဖြေပေးတာတွေ့ရတယ်

လို့ သူ့ရဲ့အတွေ့အကြုံလေးကို မျှဝေပေးခဲ့ပါတယ်။

အမေးအဖြေကဏ္ဍလေးကနေ ခုလိုအဆင်ပြေသွားရတာတွေ ကြားသိရလို့ ဝမ်းသာဂုဏ်ယူရပါတယ်။ အစိမ်းရောင်လမ်းရဲ့ အမေးအဖြေမှာ ပါဝင်ဖြေဆိုပေးကြတဲ့ ပညာရှင်များ၊ တောင်သူများ၊ ကျွမ်းကျင်သူများအားလုံးလည်း ဝမ်းသာပီတိဖြစ်ရအောင် ကြည်နူးစရာလေးတွေမျှဝေလိုက်ရပါတယ်။

ပညာရပ်တွေ ကိုယ်သိထားတာတွေကို သိထားတဲ့အတိုင်းပဲထားရင် တန်ဖိုးမရှိပါဘူး။ လက်တွေ့အသုံးချလိုက်ပြီဆိုမှ တန်ဖိုးရှိသွားတာပါ။ ကိုယ်တိုင်အသုံးမချနိုင်သေးရင် လိုအပ်နေသူတွေစီမျှဝေလိုက်ပါ။

အစိမ်းရောင်လမ်း

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ