ရေစတင်ကူးခတ်လာသည့် တီလားပီးယားငါးသားပေါက်များအားရွှေ့ပြောင်းသည့်စနစ်

ရေအစိမ်းရောင်ရှိသည့် ပြုစုမည့်ကန်အတွင်းတွင် ကြိုတင်ပြင်ဆင်ထားသော ဟာပါအတွင်းသို့ တွဲလျက်ရှိနေသည့် ဥနှစ်များအား စုပ်ယူပြီးသည့် ရေတွင်စတင်ကူးခတ်နေသည့် ငါးသားပေါက်များအား ချက်ချင်း ရွှေ့ပြောင်းရပါမည်။ ငါးသားပေါက်များအား ဟိုမုန်းပြုပြင်ထားသည့်အစာ ၂၄နာရီအတွင်း ၅ ကြိမ်ကျွေးသင့်ပါသည်။

တစ်စတုရန်းမီတာအကျယ် ဟာပါအတွင်းသို့ ၆၀ဂရမ်နှင့်ညီမျှသော ရေတွင်စတင်ကူးခတ်နေသည့် ငါးသားပေါက် ၆၀၀၀ပြောင်းရွှေ့ထည့်သွင်း မွေးမြူနိုင်ပါသည်။

မျိုးငါးအငယ်၏ ဥများမှာသေးငယ်ပြီး မျိုးငါးအကြီး၏ ဥများမှာ ကြီးမားပါသည်။ ဥဖောက်သည့် အကြိမ်တိုင်း ရေတွင်စတင်ကူးခက်သည့် ငါးသားဖောက်များအား နမူနာယူထားသင့်သည်။

ရေတွင်စတင်ကူးခတ်သည့် ငါးသားပေါက် ၁၀၀အားအလေးချိန် ချိန်တွယ်ပြီး နမူနာ ၂ခုယူထားပြီး အလေးချိန်အား ဒသမ၂နေရာအထိယူပြီး ချိန်တွယ်ရပါမည်။

ထို့နောက်ဟာပါ တစ်ခုတွင်ထည့်သွင်းရမည့် ရေတွင်စတင်ကူးခတ်သည့် ငါးသားပေါက်အရေအတွက်အား တိတိကျကျတွက်ချက်ရပါမည်။ ၁၀၀ရာခိုင်နှုန်း ငါးအထီးများ ထုတ်လုပ်ရန်အတွက် ၎င်းကဲ့သို့ တွက်ချက်ခြင်းသည် အလွန်အရေးကြီးပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။