သတင်းအမျိုးအစားများ

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ရောက်ရှိလာပြန်ပါပြီ ခင်ဗျ။

ယခုတစ်ပတ်မှာတော့ သတင်းအမျိုးအစားတွေကို သိရှိသွားအောင် တောင်သူ ဦးလေး ဒေါ်လေးတို့အတွက် မျှဝေပေးသွားမှာ ဖြစ်ပါတယ် ခင်ဗျ။

ကျွန်တော်တို့ နေ့စဥ် မြင်တွေ့နေရတဲ့ သတင်းတွေဟာ ဘယ်အမျိုးအစားထဲ ပါဝင်မလဲဆိုတာ ယခုတစ်ပတ်အတွက် မျှဝေပေးသွားမှာ ဖြစ်ပါတယ် ခင်ဗျ။

(၁) ခေါင်းကြီးသတင်း (Headline News)

လူအများ စိတ်ဝင်စားကာ နိုင်ငံတစ်ခုလုံးနှင့်ဆိုင်ပြီး ပြည်သူလူထုအပေါ် သက်ရောက်မှုကြီးသည့်

သတင်းဖြစ်ပါတယ်။ သတင်းစာ၏ ထိပ်ဆုံး စာမျက်နှာတွင် အကျယ်တဝင့် ဖော်ပြလေ့ရှိပါတယ်။

(၂) စက်ရပ်သတင်း (Breaking News)

အလွန်အရေးကြီးပြီး သတင်းစာမှာ မပါမဖြစ်ပါရမယ့် သတင်းဖြစ်တာကြောင့် ရိုက်လက်စစက်ကို ရပ်ရပြီး ထပ်မံထည့်သွင်းရသည့် သတင်းမျိုးဖြစ်ပါတယ်။ အပြည့်အစုံပါကောင်းမှ ပါမည်ဖြစ်သော်လည်း ရရှိသော သတင်းအချက်အလက်ကို အလျင်အမြန်ဖော်ပြရသည့် သတင်းဖြစ်ပါတယ်။

(၃) ထင်မြင်ချက်နှင့် အယ်ဒီတာ အာဘော် (Opinion andEditorial Journalism)

ထင်မြင်ချက်များသည် သတင်းစာဆရာ/ ဆရာမ များ၏ ထင်မြင်ချက် အယူအဆများ ဖြစ်ပြီး အချက်အလက်ကို အခြေခံသည့် အယူအဆ ထင်မြင်ချက်များ ဖြစ်နိုင်သကဲ့သို့ ပုဂ္ဂလိက ဆိုင်ရာ ထင်မြင်ချက် သက်သက်လည်း ဖြစ်နိုင်ပါတယ်။

(၄) ကြော်ငြာနှင့် ကြော်ငြာပုံစံဆန်သည့်သတင်းအချက်အလက်များ(Advertisement and Service Journalism)

ပြည်သူလူထုအား သိစေရန် မျှဝေပေးသော အချက်အလက် ဖြစ်ပါတယ်။ ကုန်ပစ္စည်း ထုတ်လုပ်သည့် လုပ်ငန်း၊ ကုမ္ပဏီ အစရှိသည်တို့က ၎င်းတို့ ပစ္စည်းကို လူပိုသိစေရန် ၊ပိုမိုရောင်းအားကောင်းစေရန်၊ စိတ်ဝင်စားမှု ပိုရစေရန် ရေးသားထုတ်၀ေ ဖြန့်ချီသည့် သတင်းအချက်အလက်များ ဖြစ်ပါတယ်။

ကြော်ငြာများကို သတင်းဌာနများတွင်လည်း တွေ့နိုင်ပြီး တာဝန်သိ၊ ကျင့်ဝတ်ရှိသော သတင်းဌာနဆိုလျှင် အဆိုပါ ကြော်ငြာများကို (ကြော်ငြာ)ဟု သိသိသာသာ ဖော်ပြထားလေ့ရှိပါတယ်။ နောက်ထပ် တစ်မျိုးသည် လုပ်ငန်းများက ရည်ရွယ်ဖြန့်ချိထားသည့် အချက်အလက်မဟုတ်ဘဲ၊ သတင်းဌာနများက စာဖတ်သူများအတွက် အသုံးဝင်နိုင်သည့်။ စိတ်ဝင်စားနိုင်သည့် သတင်းအချက်အလက်များကို ဖော်ပြပေးတဲ့သတင်းများဖြစ်ပါတယ်။

ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

သတင်းဆိုတာ ဘာလဲ?

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ