အစိမ်းရောင်လမ်း - တရုတ် - မြန်မာ စိုက်ပျိုးရေးဆိုင်ရာ ပူးပေါင်းကုန်စည်ပြပွဲနဲ့ ဟောပြောပွဲ ကျင်းပသွားမည်

ယခုလအတွင်း ပထမဆုံးအကြိမ် တရုတ် - မြန်မာစိုက်ပျိုးရေးဆိုင်ရာပူးပေါင်းကုန်စည်ပြပွဲကို ကျင်းပသွားမှာဖြစ်ကြောင်း သိရပါတယ်။

မြန်မာကုန်သွယ်ရေးနဲ့ တရုတ်ဘက်မှကုန်သွယ်ရေး ပူးပေါင်းလုပ်ဆောင်ကာ ကျင်းပတာဖြစ်တယ်လို့ အဆိုပါပွဲစီစဉ်သူ ဒေါ်မီမီရွှေကပြောပါတယ်။

အဓိကကတော့ မြန်မာ့ဘက်က စိုက်ပျိုးရေးကုန်သွယ်မှုကို လေ့လာမယ်။ ဒီဘက်ကတောင်သူတွေအတွက် ဘယ်လိုမျိုး လုပ်ဆောင်ပေးနိုင်ရင်ရမလဲဆိုတာတွေပါ လေ့လာသွားမယ်။ ပွဲမှာတော့ စိုက်ပျိုးရေးနဲ့ဆက်စပ်တဲ့ ပစ္စည်းတွေ ဝင်ရောက်ပြသသွားမှာပါ

အဆိုပါပြပွဲကို နိုဝင်ဘာလ ၂၂ ရက်နေ့မှ ၂၄ ရက်နေ့ထိ တပ်မတော်ခန်းမမှာ ကျင်းပသွားမှာဖြစ်ပြီး နံနက်(၉)နာရီမှ ညနေ(၅)နာရီထိ ပြုလုပ်သွားမှာဖြစ်ကြောင်း သိရပါတယ်။

စိုက်ပျိုးရေးပညာရှင်များ၊ စက်မှုလုပ်ငန်းကျွမ်းကျင်သူများမှ မြန်မာနိုင်ငံနဲ့ပတ်သက်တဲ့ စိုက်ပျိုးရေးသုံး ဓါတုဆေးများအကြောင်း၊ စိုက်ပျိုးရေးသုံး စက်ယန္တယားများအကြောင်းနဲ့ ဗဟုသုတများကို တိုက်ရိုက်ဆွေးနွေးသွားမှာဖြစ်ကြောင်းလည်း သိရပါတယ်။

တရုတ် - မြန်မာစိုက်ပျိုးရေးဆိုင်ရာ ပူးပေါင်းကုန်စည်ပြပွဲမှာ စိုက်ပျိုးရေးသုံးစက်ပစ္စည်းအမျိုးမျို ၊ စိုက်ပျိုးရေးဆေးအမျိုးမျိုးနဲ့ အခြောက်ခံစက်များ ပါဝင်ပြသသွားမှာဖြစ်ကြောင်း သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ