ကျွဲနွားကူးစက်ရောဂါ ကာကွယ်ဆေးထိုးနှံခြင်း (Vaccination)

ကျွဲနွားများတွင် ဖြစ်ပွားလေ့ရှိသောရောဂါများကို ရောဂါပြင်းထန်မှုနှုန်း ကူးစက်ပျံ့ပွားမှုနှုန်းနှင့် သေဆုံးမှုနှုန်းတို့ပေါ်မူတည်၍ (က)စာရင်းဝင်ရောဂါများနှင့် (ခ)စာရင်းဝင်ရောဂါများဟူ၍ ခွဲခြားထားပါတယ်။

(က)စာရင်းဝင်ရောဂါများအနက် မြန်မာနိုင်ငံရှိ ကျွဲနွားများတွင် အဓိကဖြစ်ပွားလေ့ရှိသော ရောဂါများမှာ

(၁) ခွာနာလျှာနာ

(၂) ဒေါင့်သန်း

(၃) လည်ချောင်းကွဲ

(၄) ပေါင်ပုပ်လက်ပုပ် ရောဂါတို့ဖြစ်သည်။

၎င်း (က) စာရင်းဝင်ရောဂါများသည် ပြင်းထန်သောကူးစက်ရောဂါများဖြစ်သည်။

ခြံတစ်ခြံသို့ ကူးစက်ရောဂါ ဝင်ရောက်လာပါက ဖြစ်ပွားသည့်ရောဂါပေါ်မူတည်၍ . . .

- တစ်ကောင်နှင့်တစ်ကောင် ကူးစက်မှုနှုန်း မြန်ဆန်ခြင်း

- ထုတ်လုပ်မှုကျဆင်းခြင်း

- သားလျှောနိုင်ခြင်း

- သေဆုံးမှုမြင့်မားခြင်း စသည်တို့ ဖြစ်ပွားနိုင်သောကြောင့် စီးပွားရေးအရ ဆုံးရှုံးမှုများ ဖြစ်စေပါသည်။

***ကူးစက်ရောဂါများကို ဖြစ်ပွားမှကုသမည်ဆိုပါက. . .

- ရောဂါကြောင့်ဖြစ်မည့် ဆုံးရှုံးမှုအပြင် ကုသစရိတ်ပါ ထပ်မံကုန်ကျမည်ဖြစ်သည်။

***ကြိုတင်ကာကွယ်ဆေးထိုးနှံထားပါက . . .

- လက်ရှိတွင် ကာကွယ်ဆေးထိုးနှံခ ကုန်ကျမှုသာရှိမည်။

- ထိုကုန်ကျမှုလေးသည် နောင်တွင်ဖြစ်လာမည့် ဆုံးရှုံးမှုများကို ကာကွယ်ပေးနိုင်သည်။

### မွေးမြူရေးနှင့်ကုသရေးဦးစီးဌာနသည် အထက်ပါကျွဲနွားကူးစက်ရောဂါများ ဖြစ်ပွားမှုနှုန်းကို လျှော့ချနိုင်စေရန် ရည်ရွယ်၍ ကာကွယ်ဆေးများ ပုံမှန်ထိုးနှံပေးလျက်ရှိပါသည်။

### ဒါကြောင့် ကျွဲနွားပိုင်ရှင်များအနေဖြင့်လည်း သက်ဆိုင်ရာ မြို့နယ်မွေးမြူရေးနှင့် ကုသရေးဦးစီးဌာန၏ ကူးစက်ရောဂါ ကာကွယ်ဆေးထိုးလုပ်ငန်းများတွင် ပူပေါင်းပါဝင်၍ မိမိတို့၏ ကျွဲနွားများကို ပုံမှန်ကာကွယ်ဆေးထိုးနှံကြဖို့ တိုက်တွန်းအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ