ရေရှည်တည်တံ့ခိုင်မြဲသော စပါးစိုက်ပျိုးထုတ်လုပ်မှု စံချိန်စံညွှန်းများ အပိုင်း(၃) ရေအသုံးချခြင်း

ရေရှည်တည်တံ့ခိုင်မြဲသော စပါးစိုက်ပျိုးထုတ်လုပ်မှု စံချိန်စံညွှန်းများ အပိုင်း(၂) ရာသီအကြိုပြင်ဆင်မှုအကြောင်းကို ပြီးခဲ့တဲ့အပတ်က ပြောပြပြီးပြီဆိုတော့ ခုတစ်ပတ်မှာတော့ ရေရှည်တည်တံ့ခိုင်မြဲသော စပါးစိုက်ပျိုးထုတ်လုပ်မှု စံချိန်စံညွှန်းများရဲ့ တတိယပိုင်းဖြစ်တဲ့ ရေကိုစနစ်တကျ ဘယ်လိုသုံးစွဲရမလဲ ဆိုတာနဲ့ ပတ်သက်ပြီးတော့ 'ရေအသုံးချခြင်း' ဆိုတဲ့ အကြောင်းကို ပြောပြပေးသွားပါမယ်

ရေရဲ့ အရေးကြီးပုံကို နွေရာသီရောက်လာတဲ့အခါ ပိုပြီး သိသိသာသာမြင်လာရတယ် မဟုတ်ပါလား

စပါးစိုက်ပျိုးရာမှာ ရေကို ကောင်းမွန်စွာ စီမံခန့်ခွဲမှုက ရေအလဟသ ဆုံးဆုံးမှုကို လျော့ချပေးတဲ့အတွက် ဖန်လုံအိမ်ဓါတ်ငွေ့ကိုလည်း သိသာစွာ လျှော့ချပေးနိုင်ပါတယ်

ဒီVideo ကနေ

- ဆန်(၁)ကီလို သို့မဟုတ် (၆၀)သားထွက်ရှိလာဖို့အတွက် ရေဘယ်လောက်သုံးရပါသလဲ

- စပါးစိုက်ခင်းတွေမှာ ရေကို မပြတ်တမ်း အမြဲလွှမ်းထားတဲ့အခါ ဘာတွေဖြစ်လာမလဲ

- မြေကို လေရှုစေခြင်းဖြင့် ဘာအကျိုးကျေးဇူးတွေ ရနိုင်မလဲ

ဒါတွေနဲ့အတူ

(၁) ရေအသုံးချမှုအတွက် လိုအပ်သော SRP စံချိန်စံညွှန်းမှာ ပါဝင်တဲ့ နံပါတ်(၁)အချက်ဖြစ်တဲ့ ရေစီမံခန့်ခွဲမှု အကြောင်းကို လေ့လာခြင်းအားဖြင့် မိုးရေအတွက် စိုက်ပျိုးနည်းစနစ်၊ ရေလွှမ်းမိုးတတ်သော နေရာများတွင် ရေသွင်းနည်းစနစ်၊ ရေမလွှမ်းမိုးသော နေရာများတွင် ရေသွင်းခြင်း စတဲ့ အကြောင်းအရာတွေနဲ့ တောင်သူဦးကြီးတို့ရဲ့ ရေသွင်းစိုက်စနစ်က ဘယ်အမျိုးအစားထဲမှာ ပါဝင်နေလဲဆိုတာတွေကို အချက်ကျကျ သိရှိနိုင်ပါတယ်

(၂) စိုတစ်လှည့် ခြောက်တစ်လှည့်စိုက်ပျိုးသော စနစ် (AWD)နှင့် ဒီစနစ်ကို လက်တွေ့အသုံးပြုကျင့်သုံးခြင်းကြောင့် အထွက်နှန်း (၂)ဆထွက်နိုင်ကြောင်းနဲ့ ဘာကြောင့် ဒီစနစ်ကို ကျင့်သုံးသင့်လဲဆိုတာတွေကို အသေးစိတ် ပြောပြပေးထားပါတယ်

(၃) ကျေးရွာအုပ်စုအဆင့် ရေသွင်းစနစ်၊ စိုက်ပျိုးရေရဲ့ အရည်အသွေးကို စစ်ဆေးနိုင်တဲ့ နည်းလမ်းတွေ၊ ကိုယ်ပိုင်တွင်းရေကို အသုံးပြုပြီးစိုက်ပျိုးနေတဲ့ တောင်သူတွေအတွက် မြေအောက်ရေစစ်ထုတ်ခြင်းကြောင့် ဖြစ်လာနိုင်တဲ့ အကျိုးတရားတွေ၊ ရေများလို့ပဲဖြစ်ဖြစ် ပိုးမွှားရောဂါကြောင့်ပဲဖြစ်ဖြစ် အကြောင်းတစ်ခုခုကြောင့် ရေထုတ်တော့မယ်ဆိုရင် လိုက်နာရမည့် SRPစနစ်ကအချက်တွေ စတဲ့ အကြောင်းအရာအတော်များများကို လေ့လာမှတ်သားရမှာပါ။

ကောင်းမွန်တဲ့ ရေစီမံခန့်ခွဲမှုဟာ သွင်းအားစုတွေကို အကျိုးရှိစွာ အသုံးချနိုင်ဖို့ အထောက်အကူပေးသလို ဖန်လုံအိမ်ဓါတ်ငွေ့ (သို့မဟုတ်) အပူငွေ့တွေကို သိသိသာသာ လျှော့ချပေးနိုင်တဲ့ အဓိက အချက်တစ်ခုဖြစ်ပါတယ်နော်

တောင်သူဦးကြီးတွေအနေနဲ့လည်း မိမိတို့ရဲ့ စိုက်ခင်းက ဘယ်လိုရေအသုံးချ စိုက်ပျိုးနည်းစနစ်ထဲမှာပါသလဲဆိုတာကို ရှင်းရှင်းလင်းလင်းသိရှိနားလည်ထားဖို့အတွက် ဒီ videoကို ကြည့်ရှု့နားဆင် မှတ်သားသင့်ပါတယ်။ လေ့လာကြည့်ပေးကြပါဦးရှင်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ