ဘိုကာရှီနဲ့ ကွမ်းရွက်ရေ ရောသုံးတဲ့အခါ ဘယ်လိုဖြစ်လာမှာလဲ???

ဘိုကာရှီကိုတော့ အားလုံးသိပြီးသားဖြစ်ကြမှာပါဗျ။ ဘိုကာရှီနဲ့ ကွမ်းရွက်ရေ ရောသုံးတဲ့အခါ ဘယ်လိုဖြစ်လာမှာလဲ???

ဗီယက်နမ်နိင်ငံမှာ နာမည်ကြီးနေတဲ့ ဒီဆေးရည်အကြောင်းလေး ပြောပြချင်ပါတယ်ဗျ။

ဒီဆောင်းပါးလေးက ဗီယက်နမ်တောင်သူတွေရဲ့ ကိုယ်တွေ့အောင်မြင်မှုတွေကို အခြေခံပြီး ဗီယက်နမ်နိုင်ငံက တက္ကသိုလ်ဆရာတွေကပါ ထောက်ခံချက်ပေးထားတာမို့ ကျွန်တော်တို့ တောင်သူတွေအတွက် ဗဟုသုတရအောင် ဘာသာပြန် ဖော်ပြပေးလိုက်ရပါတယ်။

• ဘိုကာရှီနဲ့ ကွမ်းရွက်ရည်ရောထားတဲ့ အရောအနှောကို ရေနေသတ္တဝါတွေရဲ့ ကျန်းမာရေးအတွက် ကာကွယ်ကုသဖို့ သုံးခဲ့ကြပါတယ်။

• ဒီအရောအနှောက ရေချို၊ ရေငန်ငါးသတ္တဝါတွေမှာဖြစ်တတ်တဲ့ ဘက်တီးရီးယားရောဂါ ၂ မျိူးကို နိုင်တယ်လို့ သိရပါတယ်။

• ဒီဆေးရည်ကို ကြိုတင်ကာကွယ်တဲ့အနေနဲ့လည်း သုံးလို့ရသလို ငါး၊ ပုဇွန်တွေ သားပေါက်ချိန်မှာလည်း အသုံးပြုနိုင်ပါတယ်။

• ဗီယက်နမ်နိုင်ငံက ငါး၊ ပုဇွန်မွေးတောင်သူတွေကတော့ ငါးရှဉ့်မွေးမြူရေးမှာပါ ဒီဆေးရည်ကို သုံးပါသတဲ့ဗျာ။

• ကျောက်ပုဇွန်မွေးတဲ့ တောင်သူတစ်ယောက်ဆိုရင် ဒီဆေးရည်နဲ့ ရောဂါဖြစ်နေတဲ့ငါးတွေကို ကုသနိုင်ခဲ့ပါတယ်။

• ဒီဆေးရည်သုံးလိုက်တဲ့ မွေးမြူရေးတောင်သူတွေက ပဋိဇီဝဆေးတွေသုံးတဲ့ တောင်သူထက် အကျိုးအမြတ်တွေပိုရခဲ့ပါတယ်။

• အာနိသင်ချင်းတူပြီး ဆေးဖိုးကုန်ကျစရိတ်ရဲ့ တစ်ဝက်သာလျှင်ကုန်တာမို့ အမြတ်ပိုကျန်ခဲ့ပါတယ်။

• အသုံးပြုရလည်းလွယ်တာမို့ ဘိုကာရှီအသုံးပြုခြင်းကနေ အကျိုးအမြတ်တွေဖြစ်ထွန်းခဲ့ပါတယ်။

• ဒါတင်မကသေးပါဘူး နိုင်ငံတကာဈေးကွက်ကိုပါ ဝင်ရောက်နိုင်ခဲ့ပါတယ်။

အကြောင်းကတော့ ပဋိဇီဝဆေးတွေသုံးခဲ့တုန်းက ဆေးတွေကြောင့် ကြီးထွားဟော်မုန်းတွေရဲ့ အာနိသင်တွေက စားသုံးတဲ့သူရဲ့ကျန်းမာရေးအတွက် မသင့်တော်ဘူးဆိုပြီး နိုင်ငံခြားတင်ပို့မှုမှာ ထိခိုက်စေခဲ့ပါတယ်။ ဒါကြောင့် ဘိုကာရှီဆေးရည်ကို ငါးပုဇွန် မွေးမြူရေးမှာ သုံးခြင်းက သဘာဝပတ်ဝန်းကျင်နဲ့ စားသုံးသူအတွက် ထိခိုက်မှုမရှိတာကိုလည်း တွေ့ခဲ့ရပါတယ်။

စီးပွားရေးလုပ်ငန်းတွေမှာလည်း ဒီဆေးရည်အသုံးပြုခြင်းနည်းပညာကို ကူးပြောင်းလာစေချင်ကြောင်း တက္ကသိုလ်ပါမောက္ခတွေကလည်း ပြောကြားခဲ့ပါတယ်။ သူတို့နိုင်ငံမှာရှိတဲ့ ပုဂ္ဂလိကလုပ်ငန်းတစ်ချို့ဟာ ဆိုရင်လည်း ဒီဆေးရည်သုံးခြင်းနည်းပညာကို ကူးပြောင်းဖို့ လက်မှတ်ထိုးခဲ့ပါတယ်။

ဒါကြောင့် ဘိုကာရှီနဲ့ ကွမ်းရွက်အရောအနှောကို ဆေးဘက်ဝင် သဘာဝဆေးရည်တစ်ခုအဖြစ် ငါး၊ ပုဇွန်မွေးမြူရေးတွေမှာသုံးဖို့ တိုက်တွန်းရေးသားလိုက်ရပါတယ်။

ထွန်းရာဇာ

source - https://bokashiworld.blog/2010/03/01/bokashi-in-vietnam/

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ