Search Engine ဆိုတာဘာလဲ?

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည် ကြိုဆိုလိုက်ပါတယ် ခင်ဗျ။

ယခုတစ်ပတ်မှာတော့ Search Engine ဆိုတာကို တောင်သူဦးလေး ဒေါ်လေးတို့အတွက် မျှဝေပေးသွားမှာ ဖြစ်ပါတယ် ခင်ဗျ။

Search Engine ဆိုတာကတော့ မြန်မာလို တိုက်ရိုက်ဘာသာပြန်မယ်ဆိုရင် ရှာဖွေရေးဆိုင်ရာ အင်ဂျင် လို့ဆိုနိုင်ပါတယ်။ အင်တာနက်အသုံးပြုတဲ့အခါမှာ မိမိရှာဖွေလိုတဲ့ အကြောင်းအရာ စကားလုံးများကို Search Engine မှာ ရိုက်ထည့်လိုက်မယ်ဆိုရင် ၎င်းနဲ့ ကိုက်ညီမှုရှိတဲ့ အချက်အလက်များကို ဒေတာဘေ့စ်တစ်ခုမှ ရှာဖွေပြီး ဖော်ထုတ်ပြသပေးတာ ဖြစ်ပါတယ်။ ပိုပြီးနားလည်အောင်ဥပမာပေးရရင် လမ်းညွန်စာအုပ်တစ်အုပ်လိုပါပဲ။ မိမိအနေနဲ့ ဘာပဲလိုလို စာအုပ်လေးလှန်ပြီး သိချင်တာ ရှာဖွေနိုင်တဲ့ သဘောမျိုးပါ။

Search Engine က အကြောင်းအရာတစ်ခုခုကို မိမိရှာချင်တယ်ဆိုရင် သူနဲ့ပတ်သတ်တဲ့ စကားလုံးလေးရိုက်ထည့်ပေးလိုက်တာနဲ့ အလိုအလျောက် ရှာဖွေပေးသွားတဲ့ စနစ်ပါ။ အခုဆိုရင် Voice Search လို့ခေါ်တဲ့ မိမိသိချင်တာကို အသံနဲ့ ရှာဖွေတာမျိုးတွေအထိ အသုံးပြုနေကြပြီ ဖြစ်ပါတယ်။ လူသုံးများတဲ့ Search Engine အချို့ကိုလည်း ဗဟုသုတနေနဲ့ ဖော်ပြပေးလိုက်ပါတယ်။

၁။ Google (www.google.com)

၂။ Bing (www.bing.com)

၃။ Yahoo (www.yahoo.com)

Search Engine ကို အသုံးပြုပြီး မိမိသိချင်တာတွေရှာဖွေလေ့လာနိုင်ကြပါတယ် ခင်ဗျ။

ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

ယူနီကုဒ်(Unicode) ရဲ့ အားသာချက်များ

ဆောင်းပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန်မေတ္တာရပ်ခံအပ်ပါသည်။