မျိုးစေ့၊ သီးနှံစေ့၊ မျိုးကောင်းမျိုးသန့်ဆိုတာ ဘာလဲ?

မျိုးစေ့

စိုက်ပျိုးရန်ရည်ရွယ်ပြီး မျိုးစေ့အလိုက်သတ်မှတ်ထားတဲ့ အရည်အချင်းများနှင့်ကိုက်ညီပြီး မူလသီးနှံ၏ မူလ မျိုးရိုးဗီဇ ထပ်တူထပ်မျှရရှိအောင် စနစ်တကျ ထိန်းသိမ်းထုတ်လုပ်ထားတဲ့ အစေ့ဖြစ်ပါတယ်။

သီးနှံစေ့

စားသုံးရန်ရည်ရွယ်ပြီး စိုက်ပျိုး/တောင်သူမိရိုးဖလာနည်းနဲ့စိုက်လို့ရတဲ့  သီးနှံဖြစ်ပါတယ်။

မျိုးစေ့မှာ အဆင့်(၄)မျိုးရှိပါတယ်။

၁။ Breeder Seed (မိဘမျိုးစေ့)

၂။ Foundation Seed (ဆင့်ပွားမျိုးစေ့)

၃။ Registered Seed (မှတ်ပုံတင်/မျိုးသန့်မျိုးပွားမျိုးစေ့)

၄။ Certified Seed (စီးပွားဖြစ်မျိုးသန့်မျိုးစေ့)

မျိုးကောင်းမျိုးသန့်ဆိုတာဘာလဲ?

မျိုးကောင်းပြီဆိုတာနဲ့ အရည်အသွေး/အထွက်နှုန်းကောကောင်းသွားပြီလား?

မျိုးသန့်ပြီဆိုတာနဲ့ အရည်အသွေး/အထွက်နှုန်းကောကောင်းသွားပြီလား?

မျိုးကောင်းဆိုတာ - အထွက်နှုန်း၊ အရည်အသွေး၊ စားသုံးမှုအရသာကောင်း၊ ဓာတ်မြေသြဇာတုန့်ပြန်နိုင် စွမ်း ကောင်း၊ ပိုးမွှားရောဂါနဲ့ ပတ်ဝန်းကျင်ဒဏ်ကို ခံနိုင်၊ နေရာဒေသမရွေးဖြစ်ထွန်း၊ အလင်းရောင်တုန့်ပြန်မှုနည်း၊ အချိန်းမရွေးစိုက်ပျိုးနိုင်၊ အသက်လျင်၍ သီးထပ်စိုက်ပျိုးနိုင်ပြီး တာရှည်စွာသိုလှောင်နိုင်တာကို မျိုးကောင်းလို့ သတ်မှတ်နိုင်ပါတယ်။

မျိုးသန့်ဆိုတာ - ဗီဇသဘောအရ အရည်အသွေးမှန်၊ သန့်စင်မှုရာခိုင်နှုန်းမြင့်မား၊ မျိုးကွဲပါဝင်မှုမရှိ၊ အပင်ဖြစ် ထွန်းမှုကောင်း၊ အပင်အရပ်ညီ၊ ပန်းပွင့်ရက်ညီ၊ အပင်ပုံစံတူ၊ အစေ့ပုံစံလက္ခဏာ တူညီမှုရှိ၊ ပေါင်းမြက်ကင်းစင်၊ အဖျင်းအမှော်၊ ဖုန်၊ သဲ၊ ခဲ ကင်းစင်မှုရှိတဲ့အတွက် ရောင်းချရာတွင်လည်း စျေးကောင်းရနိုင်ပါတယ်။

ဒါကြောင့်မို့လို့ မျိုးကောင်းရုံနဲ့လည်း မပြီးသလို မျိုးသန့်ဖို့လည်း လိုအပ်ပါသေးတယ်။ ဒီလိုပဲ မျိုးသန့်ဖို့ တစ်ခု တည်းနဲ့ မရသလို မျိုးကောင်းဖို့လည်းလိုပါတယ်။

 တောင်သူဦးကြီးများအနေဖြင့်လည်း မျိုးကောင်းမျိုးသန့်ဆိုတာကို တိကျသေချာစွာရွေးချယ်နိုင်ကြပါစေ.....

Aung Myint Myat

(May to Sept/2018 – YAU Internship အတွေ့အကြုံကို ရေသားဖော်ပြလိုက်ပါတယ်)

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Read more

Facebook page သို့သွားရန်