သခွားသီး သခွားသီး ဖြောင့်ဖြောင့်ကြီးနဲ့ သခွားသီး

   ဝင်ငွေလေးကောင်းတယ်ဆိုလို့ သခွားသီး မျိုးကောင်းကောင်းဝယ်စိုက်ပါတယ်။ အပင်တွေကတော့ လှမှလှ ကောင်းမှကောင်း။ အဲ အသီးသီးချိန်ရောက်မှပဲ ဘာဖြစ်တယ် မသိဘူး ကောက်ကွေးနေတာပဲဆိုတာ ဘာလို့လဲ အဖြေရှာကြည့်ကြရအောင်။ 

ဝတ်မှုန်ကူးမအောင်မြင်တာ။   ။ ဝတ်မှုန်လေးတွေက စိုထိုင်းဆအနေတော်လောက်နဲ့ နည်းနည်း ပူပူနွေးနွေးလေးကို ကြိုက်ပါတယ်။ အဲ့လိုမျိုးက အကောင်းဆုံးရာသီဥတုဖြစ်ပြီး မိုးတွေ အဆက်မပြတ်ရွာနေတာမျိုး၊ ရာသီဥတုက ဆက်တိုက်ပူနေတာမျိုးဆိုရင် မျိုးအောင်ဖို့က သိပ်မလွယ်တော့ပါဘူး။ အပြည့်မအောင်တာမျိုးဆိုရင် မအောင်တဲ့ဖက်ခြမ်းက သေးသွားပြီး သခွားသီးက ကွေးသွားမှာပါ။

ကြီးထွားတဲ့ကာလမှာရတဲ့ ရာသီဥတုကိုမကြိုက်တာ။   ။ စိတ်ကောက်တာပါ။ မြေကြီး အပူချိန်က ၁၆ ဒီဂရီ ဆဲလ်စီးယပ်ရှိတယ်ဆိုရင် အသီးတွေဖြောင့်နေမှာပါ။ ဘာလုပ်မလဲ ဆိုတော့ (၄)လက်မလောက် အော်ဂဲနစ်မြေဆွေးတွေကို ပထမဆုံးအသီးလေးတွ စသီးနေတဲ့အချိန်မှာ ထည့်ပေးလိုက်ရင် အဆင်ပြေနိုင်ပါတယ်။ အဲ့လိုထည့်ပေးပြီးရင်  အပေါ်ကမြေဖုံးလးတွေ မခြောက်အောင် ရေလောင်းပေးရမှာဖြစ်ပါတယ်။ 

အာဟာရ ချို့တဲ့တာ။    ။ သခွားသီးက အစားကြီးတဲ့သီးနှံဖြစ်ပါတယ်။ အာဟာရ အလုံအလောက်မရရှိရင်လည်း ကွေးကောက်ကောက်တွေ ထွက်လာနိုင်ပါတယ်။ ကျွေးသင့်တဲ့ မြေသြဇာအချိုးကတော့ ၁၃: ၁၃: ၁၃ အချိုးဖြစ်ပါတယ်။ အဲ့အချိုးနဲ့ တစ်ပင်ကို (၆)ပေါင်လောက် စိုက်ချိန်မှာ ထည့်ပေးရမှာဖြစ်ပါတယ်။ ပြီးရင်လည်း အတက်တွေ စထွက်တဲ့အချိန် - (၂) ပတ်ကနေ (၃) ပတ်လောက်အကြာမှာ နောက်ထပ်(၆)ပေါင် ထပ်ပြီးတော့ ထည့်ပေးရပါမည်။

အပြင်က တစ်ခုခုကြောင့်။    ။ သခွားသီးကတော့ ဖြောင့်ချင်ပါရဲ့။ ဒါပေမဲ့ အောက်ဖက်မှာ မြေကြီးနဲ့ တိုက်နေတာမျိုး၊ တန်းနဲ့တိုက်နေတာမျိုးဆိုရင်လည်း ကွေးကောက်သွားနိုင်ပါတယ်။ အသီးကြီးတဲ့အချိန်ကာလမှာ သူတို့ကိုင်းလေးတွေနဲ့ ထိနေရင်တောင် ကွေးသွားနိုင်ပါတယ်။ ဒါကြောင့် သူတို့စသီးတဲ့အချိန်မှာ သတိထားပေးပါ။

အင်းဆက်ဖျက်ပိုးတွေကြောင့်။   ။ အရည်စုပ်တဲ့ပိုးတွေကြောင့်မို့လည်း အသီးတွေကွေးသွားနိုင်ပါတယ်။ ယင်ဖြူ၊ သရစ်ပိုး၊ ခြ စတဲ့ အကောင်တွေ ပျပိုးလိုမျိုးအကောင်တွေလိုမျိုးရှိနေရင် အသီးသီးချိန်မှာ ဂရုစိုက်ပြီးတော့ ဆေးလေးသုံးပေးဖို့ လိုမှာပါ။

ကဲ ဒါဆိုရင်တော့ သခွားသီးတွေ မဖြောင့်ဘူးဆိုရင် ဘာတွေကြောင့်ဖြစ်နိုင်မလဲဆိုတာကိုရှာဖို့ လမ်းစတော့ရပြီထင်ပါတယ်။ သခွားသီးကြီးကြီးဖြောင့်သလို စီးပွားရေးတွေလည်း ဖြောင့်တန်းနိုင်ကြပါစေလို့ ဆုတောင်းပေးလိုက်ပါတယ်။

ထွန်းဝင်းကျော်

https://www.gardeningknowhow.com/edible/vegetables/cucumber/cucumbers-not-straight.htm

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Read more

Facebook page သို့သွားရန်